អតិថិជនដែលមានសិទ្ធទទួលសេវា៖

• គ្រឹះស្ថានសិក្សា អង្គការមិនមែនរដ្ឋាភិបាល/សមាគម ដែលមានបំណងបើកវគ្គ បណ្តុះបណ្តាលជំនាញវិជ្ជាជីវៈ

នីតិវិធីនៃការផ្ដល់សេវា៖

• កញ្ចប់ឯកសារនៃការចុះបញ្ជិកានេះអាចរកបាន៖
  • នៅនាយកដ្ឋានគ្រប់គ្រងគ្រឹះស្ថានសិក្សានៃក្រសួងការងារ និងបណ្តុះបណ្តាលវិជ្ជាជីវៈ (សម្រាប់គ្រឹះស្ថានដែលបណ្តុះបណ្តាលវគ្គវែងចាប់ពី ០៣ខែឡើង ដល់កម្រិតឧត្តមសិក្សា ដើម្បីស្នើសុំការអនុញ្ញាតពីឯកឧត្តមរដ្ឋមន្រ្តី)។
  • តាមមន្ទីរការងារ និងបណ្តុះបណ្តាលវិជ្ជាជីវៈរាជធានី-ខេត្ត (សម្រាប់គ្រឹះស្ថានដែលបណ្តុះ-
  • បណ្តាលវគ្គខ្លីក្រោម ០៣ខែ ដើម្បីស្នើសុំការអនុញ្ញាត ពីប្រធានមន្ទីរការងារ និងបណ្តុះបណ្តាលវិជ្ជាជីវៈ រាជធានី-ខេត្ត)។
• ត្រូវបំពេញឯកសារ និងរៀបចំឯកសារតាមលក្ខខណ្ឌនៃការចុះបញ្ជិកា
• ត្រូវយកសំណុំឯកសារនៃការចុះបញ្ជិកាដែលបានបំពេញត្រឹមត្រូវតាមលក្ខណ្ឌខាងលើ មកក្រសួងការងារ និងបណ្តុះបណ្តាលវិជ្ជាជីវៈ។

ឯកសារភ្ជាប់

ចុះបញ្ជិកាអង្គការ/សមាគមជាតិ និងអន្តរជាតិ៖

• លិខិតស្នើសុំ
• លិខិតទទួលស្គាល់ពីក្រសួងការបរទេស និងសហប្រតិបត្តិការអន្តរជាតិ (សម្រាប់អង្គការ/សមាគមបរទេស) និងប្រកាសទទួលស្គាល់ពីក្រសួងមហាផ្ទៃ(សម្រាប់អង្គការ/សមាគមក្នុងស្រុក)
• កិច្ចព្រមព្រៀងគម្រោងការសកម្មភាព និងផែនការថវិកាសម្រាប់រយៈពេល ០៣ឆ្នាំ ជាភាសាខ្មែរ និងភាសាអង់គ្លេស
• លិខិតផ្តល់សិទ្ធិតំណាងអង្គការនៅប្រទេសកម្ពុជា វិញ្ញាបនបត្របញ្ជាក់កម្មសិទ្ធិអគារ/កិច្ចសន្យាជួលអគារ
• រចនាសម្ព័ន្ធគ្រប់គ្រងអង្គការ/សមាគម
• បញ្ជីរាយនាមគណៈគ្រប់គ្រង សាស្រ្តាចារ្យ និងបុគ្គលិកជាតិ និងអន្តរជាតិនិងប្រវត្តិរូបសង្ខេប
  • បញ្ជីរាយនាមអ្នកគ្រប់គ្រង
  • បញ្ជីរាយនាមសាស្រ្តាចារ្យ
  • បញ្ជីរាយនាមបុគ្គលិក
• កម្មវិធីសិក្សាតាមមុខជំនាញបណ្តុះបណ្តាលដែលស្នើ
• បញ្ជីរាយនាមសិស្ស-និស្សិត និងសិក្ខាកាមកំពុងទទួលការបណ្តុះបណ្តាល
• ហេដ្ឋារចនាសម្ព័ន្ធរូបវ័ន្ត និងសម្ភារៈបរិក្ខារ
  • ទំហំផ្ទៃដី អគារ រោងជាង បន្ទប់ពិសោធន៍ សាលប្រជុំ។ល។
  • សម្ភារៈបរិក្ខាររោងជាង មន្ទីរពិសោធន៍
  • សម្ភារៈឧបទេសបង្រៀន
  • បណ្ណាល័យ និងសៀវភៅ ឯកសារ
• រូបថតទីតាំង និងសកម្មភាព

• នាយកដ្ឋានគ្រប់គ្រងគ្រឹះស្ថានសិក្សា
• អគារអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ
• ការិយាល័យគ្រប់គ្រងគ្រឹះស្ថាន