ទិដ្ឋភាពទូទៅ
ដើម្បីទៅដល់ កោះស្មៅ លោកអ្នកគ្រាន់តែធ្វើដំណើរតាមបណ្ដោយផ្លូវដងព្រែកឆ្ពោះមកកាន់ភូមិកំពង់ កណ្តាលទៅត្រង់ នោះលោកអ្នកនឹងទៅដល់ទីកន្លែងមួយនោះ។ នៅតាមផ្លូវលោកអ្នកនឹងឆ្លងកាត់ ភូមិខ្មែរអ៊ីសស្លាម ភូមិនេសាទ និងជាពិសេសផ្ទះលំហែរតាមមាត់ទឹកជាច្រើន។ ថ្វីត្បិតតែទីនោះស្ថិត នៅពីក្រុងបន្តិចមែន ប៉ុន្តែវាជាកន្លែងដែលល្អមួយសម្រាប់អ្នកដែលចូលចិត្តថតរូប លំហែកាយ ស្រូប យកខ្យល់អាកាសបរិសុទ្ធ អង្គុយមើលថ្ងៃលិច សកម្មភាពអ្នកនេសាទចេញទៅសមុទ្រនាល្ងាចចន្លោះ ម៉ោង៤-៥ និងទេសភាពស្រស់ស្អាតនៃស្រែអំបិល ហើយអ្នកកំពតមួយចំនួនក៏ចូលចិត្តជិះកង់ទីនោះ ដើម្បីធ្វើលំហាត់ប្រាណផងដែរ។
