ទិដ្ឋភាពទូទៅ
រមណីយដ្ឋានទេសចរណ៍«អូរឫស្សីកណ្តាល» គឺជាតំបន់ទេសចរណ៍មួយក្នុងចំណោមតំបន់ទេសចរណ៍ជាច្រើនទៀតក្នុងខេត្តដែលមានលក្ខណៈសក្តានុពលពិសេសខុសពីគេ ។ តំបន់នោះកើតឡើងដោយធម្មជាតិបូករួមការកែច្នៃបន្ថែម ។តំបន់រមណីយដ្ឋាន«អូរឫស្សីកណ្តាល»នេះបានទាក់ទាញយ៉ាងខ្លាំងនូវគ្រា ដែលភ្ញៀវចូលទៅដល់ហាក់ទទួលបានអារម្មណ៍ប្លែកដោយសារជ្រលងដងអូរក្នុងព្រៃពោពេញដោយម្លប់ដើមឈើ ខ្សែទឹកហូរត្រជាក់ថ្លាយង់ដូចកញ្ចក់ ។ដោយឡែកពាក់ព័ន្ធលើសេវាតម្លៃម្ហូបអាហារនៅទីនោះគេបានបិទតារាងតម្លៃទៅតាមមុខទំនិញនិងម្ហូបដែលភ្ញៀវអាចជ្រើសរើស ហើយបើគាត់គិតថាតម្លៃនោះខ្ពស់គាត់មិនត្រូវការកុម្ម៉ង់ក៏បានហើយ បើគាត់គិតថាសមរម្យគាត់កុម្ម៉ង់ជ្រើសរើសបាន ។
