អ្នកវិនិយោគសញ្ជាតិខ្មែរ និងសញ្ជាតិបរទេស

• អ្នកវិនិយោគសញ្ជាតិខ្មែរ និងសញ្ជាតិបរទេស

នីតិវិធីនៃការផ្ដល់សេវា៖

• តុទទួលភ្ញៀវ “ច្រកចេញ-ចូលតែមួយ” ទទួលឯកសារ បន្ទាប់ពីមន្រ្តីជំនាញប្រចាំការពិនិត្យរួចរាល់
• នាយកដ្ឋានរដ្ឋបាល បញ្ជូនទៅ នាយកដ្ឋានវិភាគគម្រោងនិងការលើកទឹកចិត្ត និងនាយកដ្ឋានត្រួតពិនិត្យ និងតាមដានគម្រោងនៃគណៈកម្មាធិការវិនិយោគ កម្ពុជា/ក្រុមប្រឹក្សាអភិវឌ្ឍន៍កម្ពុជា ដើម្បីចាត់ចែងតាមមុខការ
• មន្រ្តីជំនាញត្រូវរៀបចំកំណត់បង្ហាញដោយភ្ជាប់របាយការណ៍របស់នាយកដ្ឋាន ត្រួតពិនិត្យ និងតាមដានគម្រោងវិនិយោគ មុនដាក់ជូនប្រធាននាយកដ្ឋាន ពិនិត្យផ្តល់មតិ
• ឯកឧត្តមអគ្គលេខាធិការរង “គ.វ.ក” ពិនិត្យផ្តល់មតិ
• ឯកឧត្តមអគ្គលេខាធិការ “ក.អ.ក” ពិនិត្យនិងសម្រេច ព្រមទាំងចុះហត្ថលេខាលើលិខិតអនុញ្ញាត ហើយបញ្ជូនទៅតុទទួលភ្ញៀវ “ច្រកចេញ-ចូលតែមួយ ដើម្បីយកទៅចុះលេខ និងប្រថាប់ត្រា មុននឹងអញ្ជើញអ្នកវិនិយោគមកទទួលយកលិខិតអនុញ្ញាត

ឯកសារភ្ជាប់

• ពាក្យស្នើសុំផ្អាក ឬព្យួរសកម្មភាពដោយមានការបញ្ជាក់ពីមូលហេតុឱ្យបានច្បាស់លាស់និងគ្រប់គ្រាន់ (០៣ ច្បាប់ដើម)
• វិញ្ញាបនបត្រចុះបញ្ជីជាស្ថាពរ និងលក្ខន្តិកៈក្រុមហ៊ុន (០១ច្បាប់ថតចម្លង)
• របាយការណ៍ស្តីពីមុខទំនិញជាវត្ថុធាតុដើម សម្ភារៈបរិក្ខារផលិតកម្ម សម្ភារៈសំណង់ ដោយពន្ធអាករនាំចូលជាបន្ទុករបស់រដ្ឋនាពេលកន្លងមកដែលមានក្នុងសន្និធិ នៅថ្ងៃផ្អាក ឬព្យួរសកម្មភាព (០៣ច្បាប់ដើម)
• លិខិតធានាអះអាងរក្សាទុក និងគ្រប់គ្រងឱ្យបានត្រឹមត្រូវនូវវត្ថុធាតុដើម សម្ភារៈបរិក្ខារផលិតកម្ម សម្ភារៈសំណង់ ដោយពន្ធអាករនាំចូលជាបន្ទុករបស់រដ្ឋនាពេលកន្លងមកដែលមានក្នុងសន្និធិ នៅថ្ងៃផ្អាក ឬព្យួរសកម្មភាព (០៣ច្បាប់ដើម)
• លិខិតបញ្ជាក់អំពីចំណាត់ការដែលបានដោះស្រាយជាមួយកម្មករ-និយោជិត (០៣ច្បាប់ថតចម្លង)

ក្រុមប្រឹក្សាអភិវឌ្ឍន៍កម្ពុជា/គណៈកម្មាធិការវិនិយោគកម្ពុជាតុទទួលភ្ញៀវ “ច្រកចេញ-ចូលតែមួយ” នៃក្រុមប្រឹក្សាអភិវឌ្ឍន៍កម្ពុជា