អតិថិជនដែលមានសិទ្ធទទួលសេវា៖

• ជារូបវន្តបុគ្គលសញ្ជាតិខ្មែរ ឬជនបរទេស ឬនីតិបុគ្គលដែលកំណត់ដោយច្បាប់នៃព្រះរាជាណាចក្រកម្ពុជា

នីតិវិធីនៃការផ្ដល់សេវា៖

• ចូលមើលព័ត៌មានស្តីពីកម្រងសេវារដ្ឋបាលលើវិស័យព័ត៌មានរបស់ក្រសួងព័ត៌មានៈ
• គេហទំព័រ : www.inb.gov.kh
• អ៊ីម៉ែល: info@inb.gov.kh និងទាក់ទងតាមទូរស័ព្ទលេខៈ ០២៣ ៧២៤ ៥១៤

មានចំនួន៦ដំណាក់កាល៖

1. ទាញយកឯកសារសំណុំបែបបទស្នើសុំសារបង្កាន់ដៃតាមអាសយដ្ឋានគេហទំព័រ ឬអ៊ី-ម៉ែលខាងលើ ហើយបំពេញសំណុំបែបបទឲ្យបានត្រឹមត្រូវតាមទម្រង់ និងលក្ខខណ្ឌនៃពាក្យស្នើសុំ
2. បញ្ជូនសំណុំឯកសារស្នើសុំសារបង្កាន់ដៃតាមអាសយដ្ឋានអេឡិចត្រូនិក មកច្រកចេញចូលតែមួយនៃអគ្គនាយកដ្ឋានព័ត៌មាន និងសោតទស្សន៍
3. អ្នកដាក់ពាក្យស្នើសុំផ្តល់សេវា ត្រូវរង់ចាំការឆ្លើយតបក្នុងរយៈពេល៥(ប្រាំ) ថ្ងៃ នៃថ្ងៃធ្វើការបន្ទាប់ពីមន្ត្រីច្រកចេញចូលតែមួយបានទទួលពាក្យស្នើសុំ
4. ប្រសិនបើពុំមានឯកសារគ្រប់គ្រាន់ អ្នកស្នើសុំផ្តល់សេវាត្រូវបំពេញឯកសារឲ្យបានគ្រប់គ្រាន់ក្នុងរយៈពេល១០ (ដប់) ថ្ងៃ បន្ទាប់ពីសាមីខ្លួនបានទទួលការជូនដំណឹងពីមន្ត្រីច្រកចេញចូលតែមួយ។ ករណីមិនបានបំពេញសំណុំបែបបទឲ្យបានគ្រប់គ្រាន់តាមកាលកំណត់ខាងលើ ហើយពុំមាន ហេតុផលសមស្រប សំណើសុំផ្តល់សេ វាត្រូវចាត់ទុកជាមោឃៈ
5. បន្ទាប់ពីមានការឆ្លើយតបពីមន្ត្រីច្រកចេញចូលតែមួយថាបានបំពេញឯកសារគ្រប់គ្រាន់ហើយ សាមីខ្លួនត្រូវយកសំណុំបែបបទមកដាក់នៅច្រកចេញចូលតែមួយ និងត្រូវបង់ថ្លៃសេវារដ្ឋបាល និងទទួលយកបង្កាន់ដៃសំអាង
6. អ្នកដាក់ពាក្យស្នើសុំបន្តផ្តល់សេវា អាចមកទទួលយកសារបង្កាន់ដៃ នៅច្រកចេញចូលតែមួយក្នុងរយៈពេល៥(ប្រាំ)ថ្ងៃនៃថ្ងៃធ្វើការបន្ទាប់ពីសាមីខ្លួនបានទទួលបង្កាន់ដៃសំអាង។

ឯកសារភ្ជាប់

• ពាក្យស្នើសុំដែលចុះហត្ថលេខាដោយប្រធានអង្គភាព ០២ ច្បាប់
• ខ្លឹមសារ និងទីកន្លែងបេសកកម្ម ០២ ច្បាប់
• ប័ណ្ណអ្នកសារព័ត៌មាន ឬលិខិតឆ្លងដែន(ថតចម្លង) ០២ ច្បាប់
• អាជ្ញាប័ណ្ណរបស់ក្រសួងព័ត៌មាន ឬលិខិតពាក់ព័ន្ធ ០២ ច្បាប់