ទិដ្ឋភាពទូទៅ
ដែនជម្រកសត្វព្រៃភ្នំព្រេចឬក៏គេច្រើនហៅថាភ្នំព្រេច ស្ថិតនៅក្នុងប្រភេទរមណីយដ្ឋាន ឧទ្យានជាតិ និងព្រៃភ្នំ។ សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋាន ដែនជម្រកសត្វព្រៃភ្នំព្រេចដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ ទស្សនាទេសភាពព្រៃភ្នំ, ដើរលេងដោយថ្មើរជើង, មើលសត្វ, រៀបចំអាហារ ដោយខ្លួនឯង និងចំណុចផ្សេងៗទៀត។មានសត្វព្រៃយ៉ាងតិច៣០ប្រភេទបានកំពុងរស់នៅ ក្នុងដែនជម្រកសត្វព្រៃភ្នំព្រេចរួមមាន៖ ដំរីអាស៊ី ខ្លារខិន ឆ្មាព្រៃ ឆ្មាដាវ ខ្លាភ្ញីថ្មកែវ ទន្សោង ខ្ទីង ប្រើស រម៉ាំង ឈ្លូស ឆ្កែព្រៃ ឆ្កែចចក ទោច ថ្ពាល់លឿង ស្វាកន្ទុយស ស្វាព្រាម ស្វាអង្កត់ ស្វាក្តាម បក្សីត្រយ៉ងយក្ស ត្រយ៉ងចំកំកស ទាព្រៃស្លាបស ក្ងោក ត្មាតភ្លើង ត្មាតត្នោត ត្មាតប្រផេះ ក្រពើត្រី ក្រពើភ្នំ អណ្តើកព្រេច អន្សងជាដើម។ដែនជម្រកសត្វព្រៃភ្នំព្រេច មានទីតាំងស្ថិតនៅចន្លោះដែនជម្រកសត្វព្រៃស្រែពក និងដែនជម្រកសត្វព្រៃកែវសីមា។ ក្រៅតែពីនេះ តំបន់នោះក៏មានសារសំខាន់ដ៏ធំធេងខាងផ្នែកវប្បធម៌ សេដ្ឋកិច្ច និងសង្គម សម្រាប់សហគមន៍មូលដ្ឋានដែលរស់នៅទីនោះ ពីព្រោះប្រជាពលរដ្ឋពឹងអាស្រ័យលើ ធនធានធម្មជាតិក្នុងព្រៃ ហើយធនធាននៅក្នុងដែនជម្រកមួយនេះសម្រាប់ចិញ្ចឹមជីវិត។ សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានដែនជម្រកសត្វព្រៃភ្នំព្រេច ភ្ញៀវទេសចរអាចនឹងត្រូវធ្វើដំណើរថ្មើរជើង តែមិនមានការធ្វើដំណើរឆ្លងទឹក ឬក៏ជិះទូក ឡើយ។ ចំពោះចំណតរថយន្តវិញ ភ្ញៀវទេសចរអាចធ្វើការចតដោយផ្ទាល់នៅរមណីយដ្ឋាន បានថែមទៀតផង។
