រមណីយដ្ឋានអូរពងមាន់ ជាកន្លែងកម្សាន្តដែលប្រជាពលរដ្ឋយើងចាប់អារម្មណ៍ ព្រោះមានទឹកអូរពងមាន់ មានប្រភពទឹកពីក្នុងដីចម្ងាយពីតំបន់កម្សាន្ត ៥០គ.ម ហូរខួបប្រាំងខួបវស្សា ចូលទៅក្នុងបឹងមួយធំ ដែលមានលក្ខណៈជាអាងស្តុកទឹកសម្រាប់ទេសចរសំរាកលំហែកាយដូចជាស្ទូចត្រី និង ថូតទឹកកម្សាន្ត ព្រមទាំងមានខ្ចុះតូចៗតាមមាត់អូរសម្រាប់លំហែកាយ។ នេះក៏ជាតំបន់វារីអគ្គិសនី ដែលអាចផ្ដល់ថាមពល១០គីឡូវ៉ាត់ ផ្ដល់ភាពងាយស្រួលក្នុងការអភិវឌ្ឍន៍ទេសចរណ៍តំបន់នោះដែរ។

រមណីយដ្ឋានអូរពងមាន់ ជាប្រភេទរមណីយដ្ឋានធម្មជាតិ និង កែច្នៃ មានទីតាំងស្ថិតនៅភូមិ ពងមាន់ ឃុំអូរពងមាន់ ស្រុកស្ទឹងត្រែង មានចម្ងាយ ៩គ.ម ពីក្រុង ខាងស្ដាំដៃផ្លូវជាតិលេខ ៧ ត្រង់ចំណុចបំបែកផ្លូវ ឆ្ពោះទៅខេត្តរតនៈគិរី ក្រចេះ និង ស្ទឹងត្រែង។